Leiðbeiningar um val á landi til skógræktar

Vistgerðir graslendis eru margar hálfnáttúrlegar vistgerðir og mikilvægar mörgum villtum lífverum. Flestar graslendisvistgerðir hafa mikið verndargildi og ætti ekki að hefja skógrækt þar. Á öðrum vistgerðum ætti að leita ráða sérfræðinga náttúrustofa áður en ákvörðun um skógrækt er tekin.

Mólendi er að jafnaði tegundaríkast allra vistlenda og kolefnismagn í jarðvegi er yfirleitt verulegt. Skóg ætti ekki að rækta í mólendisvistgerðum með hátt verndargildi og alltaf leita ráða sérfræðinga áður en ákvörðun um skógrækt er tekin á öðrum vistgerðum.

Vistgerðir strandsvæða eru margar sérstæðar og sumar friðaðar. Skóg ætti ekki að rækta í strandlendisvistgerðum með hátt verndargildi og er mjög óæskileg í öðrum vistgerðum. Alltaf skal leitað ráða hlutaðeigandi sérfræðinga.

Eins og í öllum vistlendum er mikilvægt á melum og sandlendi, moldum, skriðum og klettum, eyrum, moslendi og hraunlendi að leita upplýsinga um mikilvæg fuglasvæði og náttúru- og fornminjar, sem og að sannreyna að vistgerðakortið gefi rétta mynd af svæðinu.