Skóglendi

Birki er eina trjátegundin sem myndaði skóga hér á landi eftir síðasta jökulskeið og náttúrlegir birkiskógar þekja nú mjög lítinn hluta landsins. Samkvæmt náttúruverndarlögum njóta sérstæðir eða vistfræðilega mikilvægir birkiskógar og skógarleifar sérstakrar verndar. Mikilvægt er að endurheimta hnignaða birkiskóga en víða hafa framandi tré verið gróðursett í gamla birkiskóga.

Birkiskógar eru sögulega mikilvægir og skapa búsvæði fyrir margar villtar lífverur. Þeir hafa að geyma erfðaefni frá fyrri tíð og hýsa oft sjaldgæfar tegundir. Náttúrleg endurnýjun er æskileg og að jafnaði heppilegri en gróðursetning. Varðveisla skóglendisrjóðra er lykilatriði til að laða að og fjölga villtum lífverum

Meginreglan er að ekki skuli gróðursetja í skóglendi. Undantekningar eru ef nauðsyn reynist að gróðursetja birki til að viðhalda skógum. Ekki skal gróðursetja framandi tegundir trjáa nær skóglendi en 1000 metrum.